أنواع نواقل الحركة - الجزء الأول

تقدر تقول إن أنواع الفتيس (أو ناقل الحركة) الموجودة حاليا تنقسم إلى 3 أنواع رئيسية:

1- ناقل الحركة اليدوي (Manual Transmission)

2- ناقل الحركة الآلي (Automatic Transmission)

3- ناقل الحركة متغير السرعة باستمرار (Continuous Variable Transmission) اللي بيسموه CVT

وباقي الأنواع اللي بنسمع عنها هي مجرد تحسينات أو تعديلات على الأنواع دي..

خلينا ناخد فكرة سريعة عن الأنواع الرئيسية الأول:

ناقل الحركة اليدوي

طبعا كلنا عارفينه...

[IMG]http://s.hswstatic.com/gif/transmission-model.jpg[/IMG]

أهم صفاته إنه بيشتغل عن طريق عصاية بنحركها بإيدينا.. وكمان محتاج دواسة مخصوص علشان تقدر تنقل بين سرعاته (دواسة الدبرياج).

[IMG]http://www.aamcovenice.com/wp-content/uploads/2012/05/Clutch-Pedals1.jpg[/IMG] [IMG]http://www.europeanservicecenter.com/wp-content/uploads/2014/08/Gear-Lever.jpg[/IMG]

الفتيس من داخل عبارة عن مجموعة من التروس معشقة مع بعض باستمرار .. ولكن نقل الحركة الفعلي بيبقى عن طريق أجزاء مسننة على الأكسات الداخلية بيسموها dogs وهي دي اللي احنا بنحركها لما نحرك عصاية الفتيس.

زي الصورة دي

[IMG]http://i.imgur.com/FcwbK.gif[/IMG]

youtube.com/watch?v=8KDuk2-4s6E[/youtube]

الفتيس بياخد حركته من الموتور عن طريق حاجة إسمها "القابض" أو Clutch بالانجليزي.. واحنا بنقول عليه الدبرياج.. ومهمته مجرد فصل وتوصيل الحركة بين الموتور والفتيس..

والدبرياج عبارة مجموعة من جزئين أساسيين هما القرص المعدني اللي بيركب على الموتور.. واسطوانة مرنة من مادة قابلة للتآكل (اسطوانة الدبرياج) بس ليها معامل احتكاك عالي جدا .. علشان كده بيعملوها من نفس مادة تيل الفرامل.

[IMG]http://www.procarcare.com/images/shar/encyclopedia/8852JG01.gif[/IMG]

ده فيديو مبسط عن الفكرة الأساسية جدا للقابض

[URL="http://www.dailymotion.com/video/xx1k1i_how-does-a-clutch-on-a-car-work-dummies-guide_news"]How does a clutch on a car work? Dummies Guide - Video Dailymotion[/URL]

إنما القابض فعلا بيبقى شكله معقد أكتر من كده شوية... زي كده

[IMG]http://repairguide.autozone.com/znetrgs/repair_guide_content/en_us/images/0996b43f/80/20/d9/bc/medium/0996b43f8020d9bc.gif[/IMG][IMG]http://blog.ebayimg.com/motors/blog/wp-content/uploads/2012/10/Clutch-from-a-Manual-Transmission-Car-575x450.jpg[/IMG]

إنما فكرة التشغيل واحدة.

أكبر مميزات الفتيس اليدوي كالتالي:

1- عمره طويل ومش محتاج صيانة كتير.

2- بيديك التحكم الكامل في كيفية أداء عربيتك.. وبالتالي تقدر تطلع أحسن أداء منها "لو كنت محترف"

3- موفر في البنزين مقارنة بالفتيس الآلي (الأوتوماتك)

4- تقدر تستخدمه في تشغيل العربية لو البطارية نامت (الرمي)

أبرز عيوبه:

1- متعب للسائق في الزحمة

2- محتاج وقت للتأقلم والتعود عليه .. خصوصا لمبتدئي القيادة.

3- ممكن يتسبب في أضرار للموتور وله هو نفسه لو استخدمته بشكل خاطئ.

ناقل الحركة الآلي (الأوتوماتك)

الفتيس الأوتوماتك اخترعوه أساسا علشان نتخلص من عيوب الفتيس اليدوي المذكورين فوق.. بحيث إن أي واحد مبتدئ يقدر يسوق العربية كويس.. ومرتاح أكترمن اللي بيسوق بفتيس يدوي كمان.

علشان كده .. أهم صفة للفتيس الأوتوماتك إنه بيشتغل "أوتوماتك" أو آليا بدون تدخل من السائق.. وبالتالي ما بقاش فيه احتياج لدواسة الدبرياج بتاعت الفتيس اليدوي..

[IMG]http://www.drivingtesttips.biz/wp-content/uploads/2014/05/automatic-transmission1.gif[/IMG] [IMG]http://ecx.images-amazon.com/images/I/41uNmP50pHL.jpg[/IMG]

وعلشان يشتغل .. كل المطلوب منك إنك تجيب عصاية الفتيس على وضع معين (D أو Drive) علشان العربية تقدر تمشي..

الفتيس ده جواه تروس بردو... بس طريقة تعشيقها وحركتها مختلفة جذريا عن الفتيس اليدوي..

[IMG]https://upload.wikimedia.org/wikipedia/commons/f/f9/Automatic_transmission_cut.jpg[/IMG]

التروس جواه متركبة مع بعض بشكل إسمه "التروس الكوكبية".. ودي عبارة عن ترس مركزي بيسموه "ترس الشمس" أو Sun Gear.. وحواليه 3 أو 4 تروس بتدور حواليه .. وبيسموا كل واحد منهم "ترس كوكبي" أو Planet Gear على أساس إن الكواكب بتدور حوالين الشمس... وبيحيط بيهم حلقة مسننة Ring

[IMG]http://www.precisiontransmission.biz/HowStuffWorks/planetary.gif[/IMG]

فكرة تخفيض السرعة صعبة إنها تتشرح بالكلام... فالفيديو ده هيوضح الفكرة تماما.

[URL="https://www.youtube.com/watch?v=-ue_usZqHYs<br />"]https://www.youtube.com/watch?v=-ue_usZqHYs

[/URL]

كل مجموعة من التروس دي بتشتغل عن طريق مجموعة من القوابض أو دبرياجات (Clutches) خاصة بكل مجموعة على حده.

[IMG]http://www.precisiontransmission.biz/HowStuffWorks/ClutchPack.gif[/IMG][IMG]http://www.hks-power.co.jp/en/product/power_train/pack/img/pack_img_09.jpg[/IMG]

[IMG]http://www.samarins.com/maintenance/automatic_transmission.jpg[/IMG]

الفيديو ده بيشرح باختصار فكرة مجموعة القوابض اللي بقت مستخدمة في أجزاء كتير في العربية

[URL="https://www.youtube.com/watch?v=TcYsV063lk8<br />"]https://www.youtube.com/watch?v=TcYsV063lk8

[/URL]

ولما العربية بتبقى ماشية على الأول.. كل الكلتشات بتبقى معشقة.. ومع كل تعشيقة زيادة فيه كلتش بيفصل.

تشغيل وفصل الكلتشات بيتم عن طريق ضغط الزيت من خلال شبكة معقدة من المجاري الداخلية وبلوف الزيت.

[IMG]http://static.howstuffworks.com/gif/automatic-transmission-brain.jpg[/IMG]

ومع ذلك.. فحاليا بقى جزء كبير من التحكم داخل فيه الكمبيوتر .. اللي بقى بياخد عوامل كتير في الاعتبار أثناء القيادة علشان يديلك أداء أحسن.

الفتيس ده بياخد حركته من نوع تاني مختلف تماما من القوابض.. وبيسموه "محول العزم" أو Torque Converter.. والنوع ده هو اللي خلانا نقدر نستغنى عن دواسة الدبرياج.

والجزء ده في الحقيقة يعتبر روح الفتيس الأوتوماتك... ومازال يعتبر من أعقد الأجزاء فيه...

[IMG]http://www.railmotorsociety.org.au/images/htc_page_00.gif[/IMG]

فكرته الأساسية إنه عامل زي مروحتين قصاد بعض.. واحدة فيها كهربا وشغالة (اللي جاية من موتور العربية).. والتانية مفصولة من الكهربا (اللي رايحة على الفتيس).. بس بتلف بردو علشان تيار الهوا اللي جاي من المروحة المقابلة خلاها هي كمان تلف.

[IMG]http://www.rainsight.net/blog/wp-content/uploads/2014/09/0ec2bb1925cf99820881810c51a92bb5.jpeg[/IMG]

محول العزم بيستخدم الزيت بدل الهوا... علشان ينقل الطاقة الكبيرة اللي جاية من الموتور ويقدر يحرك وزن العربية.

حاليا بيركبوا جزء تالت بين المروحتين لزيادة كفاءة نقل الحركة بيسموه "Stator"

[IMG]http://drive2.subaru.com/Fall02/Fall02_TorqueConvert/Diagram.gif[/IMG]

المشكلة الأساسية فيه إنه بيعمل نوع من "التفويت".. وبالتالي بنلاقي عادة إن الفتيس بيطلع عدد لفات أقل من المفروض بحوالي 10-15 % بسبب التفويت ده..

حاليا.. محولات العزم بقى راكب عليها جزء رابع كمان... عبارة عن اسطوانة دبرياج زي بتاعت الفتيس اليدوي.. بيسموها القابض "القافش" Lockup Clutch.. ومهمته إن يمنع أي تفويت عن طريق ربط المروحتين ببعض.. بس الكلام ده بيحصل بس بعد ما العربية تاخد سرعة معقولة أو ثابتة.

[IMG]http://www.learneasy.info/MDME/MEMmods/MEM30009A/shaft_drives/torque_converter.jpg[/IMG]

أهم مميزات الفتيس الأوتوماتيك هي:

1- راحة كبيرة للسائق خاصة في الزحام.

2- وجوده خلى قيادة السيارة أسهل بكتييييير.. خصوصا للمبتدئين.

3- بيخلي حركة السيارة سلسة بدون اهتزازات.

4- بيحافظ على الموتور بشكل كبير.

أهم عيوبه:

1- استهلاك أعلى للوقود بسبب وجود محول العزم

2- أداء العربية بيكون أقل بشكل عام.

3- مش بيدي متعة في القيادة.. خصوصا لما الفتيس بيختار نسبة غير مناسبة لرغبة السائق أو لظروف القيادة.

4- محتاج صيانة بشكل متكرر.. بالذات تغيير الزيت

5- تكلفته على مشتري السيارة أعلى.

ناقل الحركة دائم تغيير السرعة (CVT)

ده نوع لسه منتشر قريب في العربيات... مع إنه مستخدم بشكل أوسع في الماكينات الصناعية من عشرات السنين..

وعلى عكس أي فتيس تاني في عالم السيارات... الفتيس ده مفيهوش تروس !!!!

[IMG]http://cdn.wemotor.my/blog/wp-content/uploads/2011/05/Honda-Insight-76-Continuous-Variable-Transmission-CVT.jpg[/IMG]

أمال بيخفض السرعة إزاي؟

عن طريق الطارات .. أو Pullies

باختصار ... الموضوع كله عبارة عن طارتين وماشي عليهم سير.. بس ما هماش طارتين عاديين.. دول فيهم خاصية تغيير المقاس بتاعهم "بالتبادل"... بحيث إن لما واحدة توسع فالتانية تضيق... وبالتالي السير اللي ماشي عليهم بيغير مكانه حسب وسع الطارتين.

[IMG]http://www.ipmd.net/assets/userfiles/ipmd/images/Articles/May_2012/2.gif[/IMG]

ومع كل تغيير في مكان السير على الطارتين بناخد نسبة تخفيض مختلفة... ومنه نقدر ناخد عدد لا نهائي من سرعات الفتيس... مش مجرد 5 أو 6 أو حتى 8 نقلات في فتيس التروس العادي.

[IMG]http://www.media-tech.info/image/no-dp/CVT-top.gif[/IMG]

[COLOR=blue]تفاصيل الفرق بين التروس والطارات موجودة في المشاركة الجاية[/COLOR]

على فكرة.. الفتيس بياخد حركته من الموتور في أغب الأحوال عن طريق محول العزم .. زي الفتيس الأوتوماتيك.

ميزة ناقل الحركة متغير السرعة باستمرار (CVT) هي:

1- سلاسة كبيرة في نقل الحركة

2- توفير في الوقود بنسبة حوالي 10% عن الفتيس الأوتوماتيك العادي.

3- حجمه صغير جدا

عيوبه:

1- ما تقدرش تحط عليه مواتير بقدرات عالية قوي... وأكبر موتور راكب على فتيس CVT لحد دلوقتي بقوة 300 حصان.

2- مالوش تصليح لحد دلوقتي... حاصة وإن النوع ده يعتبر لسه جديد نسبيا في الأسواق.

...